Við hlið Hrafnistu í Hafnarfirði standa tvö fjölbýlishús með samtals 64 þjónustu- og öryggisíbúðum. Húsin standa á fallegum stað og víða er fagurt útsýni út á sjóinn. Íbúðirnar er fyrir 60 ára og eldri og byggðar með þarfir eldri borgara í huga. Hugsunin er að íbúar geti búið sem lengst í sömu íbúð, með því að nýta sér þá aðstöðu sem er til staðar auk þess að hafa aðgang að fjölbreyttri þjónustu á vegum Hrafnistu. Innangengt er úr íbúðunum yfir á Hrafnistu í gegnum bílageymslu en stæði í bílageymslu fylgir hluta af íbúðunum. Íbúðirnar eru tveggja eða þriggja herbergja, rúmgóðar og bjartar.
Íbúðunum fylgir geymsla sem er innan íbúðar eða á gangi við hið hennar.Parket er á gólfum nema á baði er öryggisgólfdúkur. Tengi er fyrir þvottavél og þurrkara á baðherbergi. Innfelld halogenlýsing er í loftum.