Dótturfélög Sjómannadagsráðs

Dótturfyrirtæki Sjómannadagsráð eru þó nokkur.

Ber þá helst að nefna Hrafnistu sem er nú á sex stöðum, Hrafnista í Reykjavík (tekin í notkun 1957),Hrafnista í Hafnarfirði (byggð 1977), Hrafnista í Kópavogi (tekin í notkun 2010), Hrafnista Garðabæ Ísafold (tekin í notknun 2017) Hrafnista Nesvöllum (tekin í notkun 2014) og Hrafnista Hlévangi (tekin í notkun 2014). Sjómannadagsráð á Hrafnistu í Reykjavík og Hafnarfirði, en Hrafnista í Kópavogi, Garðabæ, Nesvöllum og Hlévangi er rekin af Sjómannadagsráði. Við hjúkrunaheimilið á Nesvöllum og Kópavogi er þjónustumiðstöð sem er rekin af sveitarfélögunum.

Laugarásbíó er í eigu Sjómannadagsráðs. Í upphafi var Laugarásbíó starfrækt í matsal Hrafnistu frá 1957, en flutti í núverandi húsnæði árið 1960.  Kvikmyndahúsið ehf. leigir Laugarásbíó af Sjómannadagsráði og sér um rekstur á því.

Sjómannadagsráð á Happdrætti DAS. Happdrættið var stofnað 4. apríl 1954 til uppbyggingar Hrafnistu. Frá árunum 1963-1988 fór einnig 40% af hagnaðnum í Byggingarsjóð aldraðra sem sá um að byggja dvalarheimili um land allt.

Sjómannadagsráð á auk þess Naustavör ehf. sem er einkahlutafélag og var stofnað 8. febrúar 2001. Naustavör ehf. er eigandi þjónustu- og öryggisíbúða fyrir 60 ára og eldri.  Íbúðirnar eru leigðar út og eru í Hraunvangi 1-3, Brúnavegi 9, Jökulgrunni 2-6 og í Boðaþingi 22-24.

Sjómannadagsráð eignaðist jörðina Hraunkot (sem heitir nú Hraunborgir) árið 1964 og voru fyrstu orlofshúsin tekin í notkun árið 1974. Þjónustumiðstöðin var tekin í notkun 1982 og sundlaugin tekin í notkun 1988.

Pin It on Pinterest

Share This