1981 – 1999

Samþykkt var að halda áfram að byggja við Hrafnistu í Hafnarfirði, sem tók til starfa 1977, og byrja á næsta áfanga þar sem m.a. var hjúkrunardeild fyrir 75 íbúa. Einstaklingar og félög lögðu hönd á plóg við að fjármagna bygginguna m.a. Oddfellowstúkur, Lionsklúbburinn í Reykjavík og DAS happdrætti. 

Sameinuðu þjóðirnar héldu heimsráðsstefnu í Vín sem tileinkuð var hagsmunum aldraðra. Sjómannadagsráð beindi því þeirri áskorun til allra sinna félaga- og hagsmunasamtaka sem störfuðu á einhvern hátt að hagsmunamálum aldraðra að árið 1982 yrði helgað málefnum aldraðra á Íslandi. „Glæðum ellina lífi,“ skrifar Pétur Sigurðsson, formaður Sjómannadagsráðs, í Sjómannadagsblaðið árið 1982. 

Myndirnar eru frá sjómannadeginum árið 1981.

Sjómannadagsráð fagnaði 50 ára afmæli sjómannadagsins. Mikilvægt frumvarp samþykkt á Alþingi um að Happdrætti DAS fái aftur rétt sinn til að ráðstafa öllum tekjum, en 40% af tekjum DAS hafði ríkið tekið og sett í Byggingarsjóð aldraðra síðan árið 1962. Byggingarsjóði aldraðra var skipt upp svo að eignir runnu að hálfu til Framkvæmdasjóðs aldraðra og svo til Hrafnistu í Hafnarfirði. Árið áður hafði alþingi samþykkt að ósk Sjómannadagsráðs að í tilefni af 50 ára afmæli Sjómannadagsins yrði hann löghelgaður sem frídagur. 

Bókin Siglingasaga Sjómannadagsráðs eftir rithöfundinn Ásgeir Jakobsson kom út þetta ár í tilefni af 50 ára afmælinu, veglegt ritverk um störf Sjómannadagsráðs frá upphafi.

Í tilefni af 50 ára afmæli Sjómannadagsráðs var Minnismerki óþekkta sjómannsins endurbyggt og flutt um set í Fossvogskirkjugarði, að vesturhlið kirkjunnar. Frumteikningu Ríkharðs Jónssonar var fylgt að öllu leiti og skreytingin af gamla vitanum notuð á hinn nýja. Halldór Guðmundsson arkitekt gerði teikningarnar af vitanum og skipulagið umhverfis hann.

Í tilefni af 50 ára afmæli Sjómannadagsins heimsótti forseti Íslands, frú Vigdís Finnbogadóttir, Hrafnistuheimilin.

Guðmundur Hallvarðsson tók við formennsku Sjómannadagsráðs þetta ár og gegndi starfinu allt til ársins 2017. Hann hafði starfað með félaginu um árabil, var fyrst kosinn í Sjómannadagsráð árið 1972 sem fulltrúi Stýrimannafélagsins og hafði t.a.m. séð um framkvæmd á Sjómannadeginum 1970.

Endurhæfingarstöð og sundlaug við Hrafnistu Laugarási vígð þann 5.mars og tekin í notkun. Húsið teiknaði Halldór Guðmundsson, arkitekt. Byggt var í samstarfi við Reykjavíkurborg. Innangengt var í húsið frá Hrafnistu, Skjóli og Norðurbrún 1. 

Minningaröldurnar í Fossvogskirkjugarði vígðar á sjómannadaginn. Minnisvarðinn var hannaður af Halldóri Guðmundssyni, arkitekt hjá THG arkitektum. 

Styttan Horft til hafs eftir Inga Þ. Gíslason, var reist á Miðbakka Reykjavíkur við virðulega athöfn, sjómönnum til heiðurs. Gylfi Þ. Gíslason, bróðir höfundar og borgarstjórinn í Reykjavík, Ingibjörg Sólrún Gísladóttir, fluttu ávarp. 

Hátíðarhöld Sjómannadagsins fóru fram með breyttu sniði þetta ár þegar Hátíð hafsins var haldin í fyrsta sinn, tveggja daga fjölskylduhátíð tileinkuð sjómennsku, hafinu og menningu tengdri sjósókn. Hátíðin var sett á laggirnar til að auka aðsókn og þátttöku fólks í hátíðarhöldum Sjómannadagsins og þannig átti hátíðin eftir að vera næstu árin.
Hátíðin var sú fyrsta af mörgun og á komandi árum voru það Sjómannadagsráð, Reykjavíkurhöfn, Reykjavíkurborg, sjávarútvegsráðuneytið, Faxaflóahafnir og HB Grandi sem voru meðal þeirra sem stóðu að baki hátíðinni.