Hrafnista er er í eigu Sjómannadagsráðs og var fyrsta hjúkrunarheimilið í Laugarási opnað með viðhöfn þann 2.júní 1957. Í dag eru hjúkrunarheimilin starfrækt á sjö stöðum og starfsmenn um 1700 talsins.
Sjómannadagsráð á húsnæði Hrafnistu í Laugarási og Hraunvangi, en annað húsnæði Hrafnistu er rekið af Sjómannadagsráði. Á Sléttuvegi er þjónustumiðstöð sem Hrafnista rekur fyrir Reykjavíkurborg og í Boðaþingi er þjónustumiðstöð sem Hrafnista rekur fyrir Kópavogsbæ.
Við hjúkrunarheimilin í Skógarbæ og Nesvöllum eru þjónustumiðstöðvar sem reknar eru af sveitarfélögunum.
Markmið Hrafnistu er að veita framúrskarandi þjónustu svo íbúar og þjónustuþegar upplifi öryggi, traust og vellíðan. Hrafnista vinnur eftir hugmyndafræði sem mótar heimilislega og hlýlega menningu og upplifun fyrir bæði þjónustuþega og starfsfólk.
Nánari upplýsingar um starfsemi Hrafnistu er að finna á hrafnista.is
