Uppbyggingaráætlun Sjómannadagsráðs, Hrafnistu og DAS íbúða er framtíðarsýn og áætlun um uppbyggingu húsa og þjónustu til ársins 2040. Áætlunin er afrakstur umfangsmikillar vinnu sem hófst í ársbyrjun 2023 og er m.a. byggð á stefnu Hrafnistu, niðurstöðum úr vinnustofum starfsfólks og stjórnenda Hrafnistu og DAS íbúða sem og samtölum við ýmsa hagaðila sem koma að öldrunarþjónustu á einn eða annan hátt.
Stefnt er að 50–60 milljarða uppbyggingu hjúkrunarheimila og þjónustuíbúða til að mæta ört vaxandi hópi eldri borgara á næstu 15 árum. Markmiðið er að tryggja fjölbreyttar búsetu og þjónustuleiðir fyrir stækkandi hóp eldra fólks og bregðast við brýnni þörf fyrir um 100 ný hjúkrunarrými á ári fram til ársins 2040.
Hér er hægt að skoða uppbyggingaráætlunina og auk þess hægt að koma hugmyndum og tillögum á framfæri í gegnum vefsíðuna.
