Framkvæmdir Sjómannadagsráðs við Sléttuveg ganga mjög vel.
Hjúkrunarheimilið hefur að mestu leyti verið klárað að utan. Allir gluggar komnir í, frágangi á þaki lokið og lítið vantar upp á að klára klæðninguna. Innandyra er byrjað að mála og setja upp innréttingar og gólfefni.
Allir gluggar eru komnir í þjónustumiðstöðina og einangrun komin utan á. Vinna innandyra er í fullum gangi.
Verið er að steypa efstu hæðina á íbúðablokkinni og lýkur uppsteypu í næstu viku.
Frágangur á lóð er hafinn.
Horft til suðurs yfir Fossvoginn. Íbúðarblokkin fremst og vinna við uppsteypu efstu hæðarinnar í fullum gagni
Horft til norðurs yfir byggingasvæðið. Hjúkrunarheimilið fremst.
Framhlið hjúkrunarheimilisins.
Bakhlið hjúkrunarheimilisins. Þarna verður skjólgóður garður.
Bakhlið á þjónustumiðstöðinni og íbúðablokkinni. Komið er gras á þak og einangrun á þjónustumiðstöðina. Unnið er að uppsteypu á efstu hæð íbúðablokkarinnar.